Living Poets

{{DISPLAYTITLE:Aristophanes, ''Clouds'' 518-562}}
{{#howtoquote:}}{{#togglenotes:}}
<div class="textwithtranslation">
<div id="maintext">{{AppCritAbbr}}
ὦ θεώμενοι, κατερῶ πρὸς ὑμᾶς ἐλευθέρως<br />
τἀληθῆ, νὴ τὸν Διόνυσον τὸν ἐκθρέψαντά με.<br />
οὕτω νικήσαιμί τ’ ἐγὼ καὶ νομιζοίμην σοφός,{{#linenum: 520}}<br />
ὡς ὑμᾶς ἡγούμενος εἶναι θεατὰς δεξιοὺς<br />
καὶ ταύτην σοφώτατ’ ἔχειν τῶν ἐμῶν κωμωιδιῶν,<br />
πρώτους ἠξίωσ’ ἀναγεῦσ’ ὑμᾶς, ἣ παρέσχε μοι<br />
ἔργον πλεῖστον· εἶτ’ ἀνεχώρουν ὑπ’ ἀνδρῶν φορτικῶν<br />
ἡττηθεὶς οὐκ ἄξιος ὤν· ταῦτ’ οὖν ὑμῖν μέμφομαι{{#linenum: 525}}<br />			
τοῖς σοφοῖς, ὧν οὕνεκ’ ἐγὼ ταῦτ’ ἐπραγματευόμην.<br />
ἀλλ’ οὐδ’ ὣς ὑμῶν ποθ’ ἑκὼν προδώσω τοὺς δεξιούς.<br />
ἐξ ὅτου γὰρ ἐνθάδ’ ὑπ’ ἀνδρῶν, οὓς ἡδὺ καὶ λέγειν,<br />
ὁ σώφρων τε χὠ καταπύγων ἄριστ’ ἠκουσάτην,<br />					
κἀγώ, παρθένος γὰρ ἔτ’ ἦν, κοὐκ ἐξῆν πώ μοι τεκεῖν,{{#linenum: 530}}<br />
ἐξέθηκα, παῖς δ’ ἑτέρα τις λαβοῦσ’ ἀνείλετο,<br />
ὑμεῖς δ’ ἐξεθρέψατε γενναίως κἀπαιδεύσατε·<br />
ἐκ τούτου μοι πιστὰ παρ’ ὑμῶν γνώμης ἔσθ’ ὅρκια.<br />
νῦν οὖν Ἠλέκτραν κατ’ ἐκείνην ἥδ’ ἡ κωμωιδία<br />
ζητοῦσ’ ἦλθ’, ἤν που ’πιτύχηι θεαταῖς οὕτω σοφοῖς.{{#linenum: 535}}	<br />			
γνώσεται γάρ, ἤνπερ ἴδηι, τἀδελφοῦ τὸν βόστρυχον.<br />
ὡς δὲ σώφρων ἐστὶ φύσει σκέψασθ’· ἥτις πρῶτα μὲν<br />
οὐδὲν ἦλθε ῥαψαμένη σκύτινον καθειμένον,<br />
ἐρυθρὸν ἐξ’ ἄκρου, παχύ, τοῖς παιδίοις ἵν’ ἦι γέλως·<br />					
οὔδ’ ἔσκωψεν τοὺς φαλακρούς, οὐδὲ κόρδαχ’ εἵλκυσεν,{{#linenum: 540}}<br />
οὐδὲ πρεσβύτης ὁ λέγων τἄπη τῆι βακτηρίαι<br />
τύπτει τὸν παρόντ’, ἀφανίζων πονηρὰ σκώμματα,<br />
οὐδ’ εἰσῆιξε δᾶιδας ἔχουσ’ οὐδ’ “ἰοὺ ἰού” βοᾶι,<br />
ἀλλ’ αὑτῆι καὶ τοῖς ἔπεσιν πιστεύουσ’ ἐλήλυθεν.<br />
κἀγὼ μὲν τοιοῦτος ἀνὴρ ὢν ποιητὴς οὐ κομῶ,{{#linenum: 545}}<br />
οὐδ’ ὑμᾶς ζητῶ ’ξαπατᾶν δὶς καὶ τρὶς ταὔτ’ εἰσάγων,<br />
ἀλλ’ ἀεὶ καινὰς ἰδέας εἰσφέρων σοφίζομαι,<br />
οὐδὲν ἀλλήλαισιν ὁμοίας καὶ πάσας δεξιάς·<br />
ὃς μέγιστον ὄντα Κλέων’ ἔπαισ’ εἰς τὴν γαστέρα,<br />
κοὐκ ἐτόλμησ’ αὖθις ἐπεμπηδῆσ’ αὐτῶι κειμένωι.{{#linenum: 550}}<br />			
οὗτοι δ’ ὡς ἅπαξ παρέδωκεν λαβὴν Ὑπέρβολος,<br />
τοῦτον δείλαιον κολετρῶσ’ ἀεὶ καὶ τὴν μητέρα.<br />
Εὔπολις μὲν τὸν Μαρικᾶν πρώτιστον παρείλκυσεν<br />
ἐκστρέψας τοὺς ἡμετέρους Ἱππέας κακὸς κακῶς,<br />
προσθεὶς αὐτῶι γραῦν μεθύσην τοῦ κόρδακος οὕνεχ’, ἣν{{#linenum: 555}}<br />			
Φρύνιχος πάλαι πεποίηχ’ ἣν τὸ κῆτος ἤσθιεν.<br />
εἶθ’ Ἕρμιππος αὖθις ἐποίησεν εἰς Ὑπέρβολον,<br />
ἅλλοι τ’ ἤδη πάντες ἐρείδουσιν εἰς Ὑπέρβολον,<br />
τὰς εἰκοὺς τῶν ἐγχέλεων τὰς ἐμὰς μιμούμενοι.<br />
ὅστις οὖν τούτοισι γελᾶι, τοῖς ἐμοῖς μὴ χαιρέτω·{{#linenum: 560}}<br />					
ἢν δ’ ἐμοὶ καὶ τοῖσιν ἐμοῖς εὐφραίνησθ’ εὑρήμασιν,<br />
εἰς τὰς ὥρας τὰς ἑτέρας εὖ φρονεῖν δοκήσετε.<br />
</div>

<div id="translation">
</div>

</div><div style="clear:both"></div>

{{CollectionsBox
|editor=Sarah Burges Watson
|guides=[[Aristophanes: A Guide to Selected Sources|Aristophanes]]
}}

{{#set:Short title=Aristophanes, ''Clouds'' 518-562}}

[[Category:Aristophanes Collections]]